ကမ္ဘာမြေချစ်သူ သစ်တောပညာရှင်ဦးအုန်း ————- သစ်တောပညာရှင် ဦးအုန်းလို့ဆိုလိုက်ရင် မြန်မာပြည်က သဘာ၀ပတ်ဝန်းကျင်နှင့် သက်ဆိုင်သော သူများ၊ အဖွဲ့အစည်းများ၊ သတင်းသမားများအပါအဝင် ပြည်သူအများစုက သိပြီးဖြစ်ပါလိမ့်မယ်။ သစ်တော ပညာရှင် ဦးအုန်းလို စိတ်ဓာတ်မျိုးဖြင့် တိုင်းပြည်နှင့်လူမျိုးအပေါ် စေတနာထားသော၊ လိုအပ်ရင် လိုအပ်သလို သတ္တိရှိရှိ ဝေဖန်ပြောဆိုရဲသော ပညာရှင်မျိုးဟာ မြန်မာပြည်မှာ အင်မတန်ရှားပါးလွန်းပါတယ်။ ဦးအုန်းကို စစ်ကိုင်းမြို့ မန်ကျဉ်းဇင်တင်းတိတ်ရွာမှာ (၁၉၂၇ ခု၊ ဩဂုတ်လ ၇ ရက်) ၁၂၈၉-ခု၊ ဝါခေါင် လဆန်း ၁၀ ရက် ဖခင် လယ်ရှင်၊ မြေရှင် ရွာသူကြီး ဦးဘသော်နှင့် မိခင် ဒေါ်နှင်းရီတို့က မွေးဖွားခဲ့ပါတယ်။ ငယ်နာမည်မှာ မောင်အုန်းသီး ဖြစ်ပါတယ်။ မိဘများဟာ လယ်ဧက ၅၀၀ ပိုင်ဆိုင်သူများ ဖြစ်ပါတယ်။ […]